Швед анансаваў на лістапад першы суд над памерлым «нацысцкім злачынцам»
Спачатку адбудзецца суд над Уладзімірам Катруком, які памёр у 2015 годзе. У наступным годзе чакаецца 15-20 аналагічных судоў.
Шэраг матэрыялаў па крымінальнай справе аб генацыдзе беларускага народа плануецца накіраваць у суд сёлета. Пра гэта заявіў журналістам генпракурор Беларусі Андрэй Швед, піша БелТА.
Па яго словах, па ўсёй краіне штодзень вядзецца праца следчай групай Генпракуратуры з прыцягненнем спецыялістаў Мінабароны, дапамагаюць спецыялісты СК, Дзяржаўнага камітэта судовых экспертыз.
«У лістападзе мы плануем накіраваць у суд першыя матэрыялы ў дачыненні да Катрука — ката, які служыў у карным батальёне. Праца практычна завершаная, цяпер мы ўдакладняем юрыдычныя працэдуры, у тым ліку шукаем яго сваякоў, каб апавясціць аб пачатку працэсу.
Далей сёлета сыдуць матэрыялы ў дачыненні да яшчэ двух карнікаў. Налета мы плануем не менш за 15-20 матэрыялаў накіраваць у суды, каб ва ўстаноўленым законам парадку даказаць віну катаў, якія нішчылі тут мірных людзей і ваеннапалонных», — распавёў генпракурор.
Прэм'ер-міністр Беларусі Раман Галоўчанка, Андрэй Швед і міністр абароны Віктар Хрэнін сёння наведалі раней невядомыя месцы масавага забойства і пахавання мірных жыхароў і ваеннапалонных ва ўрочышчы Уручча, устаноўленых падчас расследавання крымінальнай справы аб генацыдзе.
***
Уладзімір Катрук памёр ва ўзросце 93 гадоў у Канадзе ў 2015 годзе. Ён служыў у 118-м батальёне Schutzmannschaft — паліцэйскім фарміраванні, якое ўдзельнічала ў масавых расправах над мірнымі жыхарамі падчас вайны. У прыватнасці, у сакавіку 1943 года яны спалілі ўсіх жыхароў вёскі Хатынь.
Уладзімір Катрук уваходзіў у дзясятку нацысцкіх злачынцаў, якіх у першую чаргу шукаў цэнтр Сімона Візенталя. Ён быў знойдзены ў квебекскім муніцыпалітэце Мантэрэжы ў Канадзе.
Мужчына апошнія гады разводзіў пчол. Падчас допыту ён адмаўляў усе сувязі з нацыстамі, заяўляў, што нічога не ведае пра «спіс Візенталя».
«Многія гады медыя беспадстаўна пераследавалі містара Катрука. Я вельмі рады, што цяпер ён мірна спачывае», — казаў тады яго адвакат Арэст Рудзік.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў43
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары
Впрос только в том, в виде покойников или пораньше и явочно?