Былы лідар амерыканскага рок-гурта Smash Mouth Стыў Харвэл памёр ва ўзросце 56 гадоў, паведамляе The New York Times. Па словах менеджара групы Роберта Хейса, музыка памёр 4 верасня ў сваім доме ў штаце Айдаха.
Харвэл быў адным з заснавальнікаў Smash Mouth. За сваю кар'еру гурт выпусціў сем студыйных альбомаў. Найбольшую папулярнасць яму прынесла пласцінка Astro Lounge 1999 года з хітом All Star. Гэтая кампазіцыя гучала ў саўндтрэку мультфільма «Шрэк».
Сярод іншых хітоў гурта — Walking in The Sun, а таксама кавер-версіі Can't Get Enough Of You Baby, Why Can't We Be Friends і I'm Believer.
Харвэл пакінуў Smash Mouth у 2021 годзе па стане здароўя. Гурт працягвае выступаць з новым вакалістам Закам Гудам.
Сёння мы пісалі, што ў 56-гадовага артыста апошняя стадыя хваробы, звязаная з пячоначнай недастатковасцю. Праз захворванне Харвэлу заставалася жыць «тыдзень або каля таго».
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай2
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары