Ва ўзросце 36 гадоў памёр акцёр «Гульні тронаў». У яго была невылечная хвароба
«З глыбокім сумам мы павінны паведаміць вам, што наш дарагі сябар і кліент Дарэн Кент мірна памёр. Нашы думкі і любоў з яго сям'ёй у гэты складаны час», — пазначана ў паведамленні агенцтва Carey Dodd Associates.
Памёр брытанскі акцёр Дарэн Кент, які сыграў у серыяле «Гульня тронаў». Яму было 36 гадоў, артыст пакутаваў ад невылечнай хваробы скуры, як паведамляюць замежныя медыя.
Пра смерць акцёра паведамілі ў агенцтве Carey Dodd Associates.
«З глыбокім сумам мы павінны паведаміць вам, што наш дарагі сябар і кліент Дарэн Кент мірна памёр у пятніцу. Яго бацькі і найлепшы сябар былі побач з ім. Нашы думкі і любоў з яго сям'ёй у гэты складаны час», — пазначана ў паведамленні агенцтва.
Кент пакутаваў ад рэдкага захворвання скуры, якое з'явілася ў яго ў пачатку кар'еры. Праз гэта ён не мог доўга знаходзіцца на сонцы. Таксама артыст меў яшчэ некалькі хранічных захворванняў — астэапароз і артрыт.
Першай значнай роляй Кента ў кіно стала праца ў фільме жахаў «Люстэркі», які выйшаў на экраны ў 2008 годзе. Акрамя таго, ён здымаўся ў фільмах «Сонечны хлопчык», а таксама прадзюсаваў кароткаметражныя фільмы «Вольны гандляр» і «Ты мяне ведаеш».
Славу акцёру прынесла роля пастуха ў серыяле «Гульня тронаў». Ён з'явіўся ў эпізодзе з Эміліяй Кларк.
Таксама Кент здымаўся ў такіх фільмах і серыялах, як «Жыхары Іст-Энда», «Закон Маршала», «Бессаромныя».
А незадоўга да смерці акцёр з'явіўся ў кінакарціне «Падзямеллі і цмокі: Гонар зладзеяў».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА54
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары
• У такіх, як? Дык у якіх?! Ганьба вам, ...!