Грамадства99

Спартыўныя чыноўнікі: Пасля Гульняў СНД чакаем новага міністра — Юрыя Караева 

Як паведамляюць «Нашай Ніве» чыноўнікі ад спорту, у ведамстве абмяркоўваюць магчымую асобу новага міністра, які мае змяніць Сяргея Кавальчука на пасадзе. Палкоўніка па чутках заменіць генерал-лейтэнант.

«Чакаем, што будзе новы міністр. Рыхтуемся да Караева», «Што Караеў будзе, то чулі. Ну а што? Палкоўніка на генерала памяняем, можа, сфера рване наперад», — такія паведамленні «Наша Ніва» атрымала ад чыноўнікаў сярэдняга звяна, якія ўзначальваюць арганізацыі, падпарадкаваныя Мінспорту. 

Людзі гавораць, што Гульні СНД, з якіх прапаганда насуперак рэальнасці лепіць спартовую звышпадзею, — могуць стаць лебядзінай песняй міністра Сяргея Кавальчука, былога начальніка ў структуры Службы аховы Лукашэнкі, палкоўніка. 

На сваёй пасадзе Кавальчук з 2018 года. На старце ягонай кадэнцыі Беларусь прыняла II Еўрапейскія гульні, а на заканчэнні — Гульні СНД, дзе паміж сабой спаборнічаюць у тым ліку атлеты, якія не маюць нават дарослых спартовых разрадаў. А Беларусь выкінутая з большасці міжнародных спаборніцтваў у выніку ўнутраных рэпрэсій і саўдзелу ў вайне супраць Украіны. 

Міністру асабліва няма чым хваліцца, апроч як цвёрдым прытрымліваннем генеральнай лініі ў частцы рэпрэсій і ганенняў. 

Меркаваны новы міністр, якога чакаюць у спартовай сферы, — выхадзец з сілавой структуры, якому далі дакрануцца да эканомікі на пасадзе памочніка Лукашэнкі (Караеў адказваў за Гродзенскую вобласць). 

Сышоўшы з пасады кіраўніка МУС, Караеў не спыняў таксама і сваіх адносін са спортам, узначальваючы Федэрацыю тайскага бокса. Магчыма, не лішнім будзе нагадваць, што пры Караеве склад гэтай федэрацыі быў моцна зачышчаны. 

«Наша Нiва» — бастыён беларушчыны

ПАДТРЫМАЦЬ

Каментары9

  • Плюшки для карателя
    09.08.2023
    лукашенко раздаёт плюшки карателям белорусов.
  • Ёсік
    09.08.2023
    ПВТ, спорт, культуру ўзначальваюць тыя, хто можа толькі гумавай палкай зьбіваць насельніцтва, і аддаваць загады, як разагнаць мірнае шэсьце. Гітлераўская Нямеччына 1933 года. PS Вельмі падабаўся ліст патрыятычных сіл, які агучыў гігін: хутка прыйдзе той час, калі беларусы і палякі будуць у госьці адзін да аднаго хадзіць. Так і будзе, але без цябе і твайго куміра, вадзік.
  • даведка
    09.08.2023
    Полковник министром спорта уже был (Ковальчук из СБП) — не помогло...
    Генерал-майор министром спорта уже был (Шамко из МЧС) — не помогло...
    Генерал-лейтенант министром спорта будет (Караев из МВД) — не поможет.

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Крутога айцішніка, які вярнуўся з Польшчы, кінулі за краты за фінансаванне «экстрэмізму»28

У Беларусь з Расіі завозяць авіябомбы і ракеты12

Нетаньяху: «Неўзабаве вы ўбачыце ізраільскія самалёты ў небе над Тэгеранам»1

Збанкрутавала вядомая сетка фастфуду Döner King2

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць