Свет88

Збіты NASA з арбіты астэроід пачаў крышыцца на часткі. Але гэта было вельмі дарагое задавальненне

Спецыяльна для тэставага сутыкнення NASA сумесна з Еўрапейскім касмічным агенцтвам распрацавалі і сканструявалі беспілотны апарат DART — першы ў гісторыі касмічны карабель-камікадзэ.

Пасля сутыкнення Дыморф нечакана «адгадаваў хвост» і стаў больш нагадваць камету. Фота: NASA

Астраномы працягваюць сачыць за лёсам астэроіда Дыморфа, які летась інжынерам NASA ўдалося скінуць са звыклай арбіты, дашчэнту разбіўшы аб яго касмічны карабель коштам амаль траціну мільярда даляраў, піша Бі-бі-сі.

Зрэшты, аварыя зусім не была выпадковай. Роўна наадварот: навукоўцам прыйшлося добра папрацаваць, каб як след спланаваць і арганізаваць «аварыю» на адлегласці каля 11 млн кіламетраў ад нашай планеты (для параўнання: гэта прыкладна ў 25 разоў далей, чым да Месяца).

Цяпер NASA апублікавала чарговы здымак Дыморфа, зроблены тэлескопам «Хабл» яшчэ ў снежні мінулага года, праз тры месяцы пасля ўдару, але перададзены на Зямлю і апрацаваны толькі цяпер.

На фота можна ўбачыць, што «падбіты» астэроід абзавёўся ўласнымі спадарожнікамі. Яго атачаюць не менш за тры дзясяткі разнастайных каменных фрагментаў, што адкалоліся ад асноўнага цела Дыморфа пасля (і хутчэй за ўсё ў выніку) прыцэльнага лабавога ўдару.

Фота: NASA

Падлічыць дакладную колькасць аскепкаў не ўяўляецца магчымым з-за дрэннай бачнасці: гэта адзін з самых цьмяных аб'ектаў, калі-небудзь сфатаграфаваных «Хаблам».

Затое супрацоўнікі Еўрапейскай касмічнай абсерваторыі даволі дакладна вызначылі памер касмічных камянёў. Паводле іх даных, самыя буйныя аскепкі перавышаюць у дыяметры 6,5 м; самыя дробныя — каля 1 м.

Спецыяльна для тэставага сутыкнення NASA сумесна з Еўрапейскім касмічным агенцтвам распрацавалі і сканструявалі беспілотны апарат DART — першы ў гісторыі касмічны карабель-камікадзэ.

Стартаваўшы з вайсковага касмадрома ў Каліфорніі яшчэ ў лістападзе 2021-га, толькі да месца прызначэння апарат дабіраўся амаль 10 месяцаў.

Адзінай задачай місіі было на поўнай хуткасці ўрэзацца ў зусім бяскрыўдны (ён ніяк не пагражаў нашай планеце) 160-метровы астэроід пад назвай Дыморф, паспрабаваўшы змяніць яго траекторыю.

Такім чынам навукоўцы хацелі на практыцы праверыць, ці магчыма гэта наогул — і ці варта сур'ёзна разлічваць на гэты спосаб абароны планеты ў выпадку рэальнай пагрозы з космасу.

Са сваёй задачай DART справіўся бліскуча — нягледзячы на каласальную розніцу ў памерах.

Разагнаўшыся да хуткасці парадку 24 000 км/г (6,5 км/с), апарат вагой крыху большай за 600 кг урэзаўся ў велічэзную каменную глыбу, у тысячы разоў цяжэйшую.

Правёўшы неабходныя разлікі, у NASA пацвердзілі, што місія ўвянчалася поспехам: у выніку ўдару Дыморф зрушыўся з месца і стаў хутчэй круціцца вакол мацярынскага астэроіда Дзідзім.

Праз месяц стала вядома, што ў выніку ўдару Дзідзім яшчэ і абзавёўся доўгім «хвастом», які расцягнуўся на тысячы кіламетраў, зрабіўшы астэроід больш падобным да каметы.

Каментары8

  • дуся настоящая
    25.07.2023
    Но есть вопрос. Все тела вращающиеся вокруг солнца связаны гравитационными силами. Которые в определенной степени скомпенсированы. Если мы выбиваем один астероид со своей орбиты, то будут нарушены гравитационные взаимодействия со всеми остальными телами нашей солнечной системы. Не приведет ли такое  отклонение астероида от привычной орбиты к непредсказуемым перемещениям остальных астероидов, в том числе в направлении Земли. Возможно для этого понадобятся тысячи и миллионы лет, но впринципе мне кажется (крещусь) такое возможно.
  • Максим Дизайнер
    25.07.2023
    Распилы космических масштабов
  • дочка Максима Дизайнера
    25.07.2023
    истину глаголете, батюшка 🤘 ) 

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць