Скульптарка з Гродна перарабіла Volkswagen Touran у аднарога і атрымала шквал негатыву
Надзея з Гродна, скульптарка і мастачка, пабудавала аднарога з Volkswagen Touran. У інстаграме дзяўчыны бэстсэлер — галава аднарога з эпаксіднай смалы, якая яшчэ і свеціцца. У гэтай стылістыцы скульптарка і зацюніла свой Volkswagen Touran, як піша Tochka.by.
На ажыццяўленне праекта пайшло чатыры месяцы і 800 рублёў: на эпаксідную і поліэфірную смалу, новы капот і бамперы. Дзяўчына пры гэтым сама працавала шліфмашынкай і балгаркай.
Калі ўсё было гатова, скульптарка павесіла аб'яву ў інтэрнэце аб продажы аднарога на колах, а ў тыктоку запісала ролік, каб сабраць прагляды і каментары.
Па прыколе цэннік выставіла ў 25 тысяч даляраў, у два з паловай разу вышэй за рынкавы кошт. У інтэрнэце жарту не зразумелі, таму ўладальніца аўто сабрала шмат негатыву.
«Хай. Гэта таксама піяр. Затое, калі еду па горадзе, людзі глядзяць на майго аднарога па-добраму, усміхаюцца», — смяецца Надзея.
У гаражы, дарэчы, ляжаць кузаўныя дэталі ад Volkswagen Touran, таму вярнуць кампактвэн у першапачатковы выгляд можна за паўгадзіны.
Хочаце пабачыць, як жылі навукоўцы за савецкім часам? Прадаецца некранутая дача — усё як пры гаспадары
Вышыванка Зяленскай, мятная двойка прэм'ера Даніі, нюдавыя туфлі Калас і штаны-палаца Мелоні. Якія касцюмы абралі палітыкі для сустрэчы НАТА ў Вільні
Каб вандроўка не ператварылася ў сваркі: як паводзіць сябе, калі падарожнічаеш у кампаніі
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары