У Польшчы на ганку дзіцячага дома знайшлі загадкавую скрынку. Што было ўнутры?
Амаль калядная гісторыя адбылася ў сяле Длуге Падкарпацкага ваяводства. Раніцай 1 ліпеня перад домам дзіцяці невядомы мужчына пакінуў металічную скрынку і пайшоў.
Скрынка была абвязаная ланцугамі з кодавым замком. Праз некаторы час у рэдакцыю мясцовага інфармацыйнага выдання паступіў званок, у якім невядомы назваў код да замка — 7777. У мэтах бяспекі адразу на месца выклікалі паліцыю.
Пасля таго, як скрынку адчынілі, аказалася, што ў ёй былі пачкі грошай — 100 000 злотых (каля 25 тысяч даляраў), а таксама розныя ласункі.
Хто гэты дабрадзей, пакуль невядома.
Каментары