З Беларускага дзяржаўнага тэатра лялек звальняюць галоўнага рэжысёра — сусветна вядомага
Чыноўнікі не працягнулі кантракт з галоўным рэжысёрам Беларускага дзяржаўнага тэатра лялек Аляксеем Ляляўскім. Пра гэта рэдакцыі «Люстэрка» паведамілі чытачы.
Ляляўскі дапрацоўвае ліпень, пасля чаго пакіне сваю пасаду.
Аляксей Ляляўскі нарадзіўся ў 1957 годзе ў Мінску.
Ён — сын Анатоля Ляляўскага, аднаго з заснавальнікаў Беларускага тэатра лялек.
Ляляўскі-малодшы скончыў Беларускі тэатральна-мастацкі інстытут. У 1979—1982 гадах працаваў рэжысёрам і памочнікам галоўнага рэжысёра па літаратурнай частцы Беларускага дзяржаўнага тэатра лялек у Мінску. У 1982—1986 гадах — галоўны рэжысёр Магілёўскага тэатра лялек. У 1986—1996 і з 1998 года — галоўны рэжысёр Беларускага дзяржаўнага тэатра лялек.
Паставіў больш за 100 спектакляў. Сярод іх «Майстар і Маргарыта» па Булгакаву, «Тарцюф» Ж.-Б. Мальера, «Драй швестэрн», «Чайка. Вопыт прачытання» і «З Парыжам скончана!..» паводле п'ес Чэхава; «Ладдзя роспачы» Караткевіча, «Ганэле» Гаўптмана, «Дзед і журавель» Вольскага, «Чаму старэюць людзі?..» Вярцінскага.
Працаваў у Расіі, Польшчы, Босніі і Герцагавіне, Германіі, Нідэрландах, Літве, Славеніі.
Кіраўнік міжнародных творчых майстэрняў тэатра лялек у Бельгіі, Фінляндыі, Польшчы, Германіі і Іране.
Быў мастацкім кіраўніком Міжнароднага фестывалю тэатраў лялек у Мінску. Заслужаны дзеяч мастацтваў Рэспублікі Беларусь.
Ляляўскі — адзін з самых вядомых беларускіх рэжысёраў у свеце.
Як адзначаюць спецыялісты, Ляляўскі — «адзін з тых рэжысёраў, з чыім імем звязаны новы этап развіцця беларускага тэатра лялек, яго выхад на міжнародны ўзровень.
Раней, восенню 2022 года, на пенсію адправілі Яўгена Клімакова, які з 1985 года быў дырэктарам Беларускага дзяржаўнага тэатра лялек.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга95
Каментары