У Мінску збіраюцца ўзаконіць «самавольныя» кветнікі, за якія цяпер маюць штрафаваць
Улады сталіцы могуць узаконіць добраўпарадкаванне прыдамавых тэрыторый, выкананае грамадзянамі самастойна, пішуць «Мінск-Навіны» са спасылкай на намесніцу старшыні Камітэта землеўпарадкавання гарвыканкама Ганну Дубкову. Цяпер гэта парушэнне закона і можа карацца штрафам да 25 базавых велічынь.
З 2022 года і па сёння, па словах Дубковай, у Мінску выяўлены шэраг парушэнняў зямельнага заканадаўства і правіл добраўпарадкавання.
Гэта ўсё цяпер — парушэнне правілаў добраўпарадкавання, якія ў 2016 годзе зацвердзіў Мінскі гарсавет. Але такія факты сталічныя ўлады могуць узаконіць, прыняўшы адпаведныя рашэнні, і гараджанам не прыйдзецца плаціць штрафы за сваю ініцыятыву.
З аднаго боку, па словах чыноўніцы, грамадзяне нібы і малайцы, што самастойна добраўпарадкавалі свае двары і ашчадзілі бюджэтныя грошы. Але з іншага — гэта ж дзеянні супраць дысцыпліны і парадку, імі парушаюцца ўстаноўленыя ўладамі правілы.
Зрэшты, Ганна Дубкова запэўніла, што любое добраўпарадкаванне, якое не абмяжоўвае доступ да зямель агульнага карыстання, будзе ўзаконена. І толькі калі доступу няма, то аб'ект добраўпарадкавання дэмантуюць.
Каментары
https://d2accbiqacj5y8.cloudfront.net/318050