У пошукавіку Google з'явіўся малы Ёда з «Зорных войнаў». Расказваем, як яго выклікаць і што ён умее
Персанаж пры дапамозе сілы можа кіраваць прадметамі і перамяшчаць іх на вашым экране падчас выкарыстання пошукавіка.
У пошукавіку Google зараз можна знайсці аднаго з персанажаў «Зорных войнаў». Гэта малы Ёда, ці Грогу, як яго называюць у серыяле «Мандалорац» ад Disney.
Персанаж пры дапамозе сілы можа кіраваць прадметамі і перамяшчаць іх на вашым экране падчас выкарыстання пошукавіка. Ён будзе раскідваць іх унізе і будаваць з іх усялякія канструкцыі.
Каб яго выклікаць, неабходна зайсці ў пошукавік Google і напісаць «Мандалорац», «Малы Ёда» або «Грогу», і ён адразу з'явіцца справа ўнізе, дзе застанецца толькі на яго націснуць. Набіраць можна па-беларуску, ён разумее нашу мову.
Гэтая пасхалка працуе і на камп'ютарах, і на смартфонах.
Каментары