На лічбавых пляцоўках з’явілася адмысловая версія альбома N.R.M. «Дом культуры»
Пра з'яўленне адмысловай версіі альбома напісаў Лявон Вольскі на сваёй старонцы ў фэйсбуку.
«У дзень 20-годдзя N.R.M. «Дом культуры» ўпершыню на лічбавых пляцоўках з’явілася адмысловая версія дыска з п’есай «Дом культуры» паміж песнямі, якая цалкам паўтарае лімітаванае першапачатковае выданне 2002 года.
Альбом «Дом Культуры» для мяне быў не толькі музычнай, але менавіта і «культурніцкай» падзеяй, бо над ім працавалі аб’яднаныя творчыя сілы — я напісаў п’есу, якая гучала паміж песнямі, персанажаў гэтай п’есы агучвалі Ганна Вольская, Вольга Бабак, Уладзімір Шаблінскі, Сяргей Канановіч, музыкі N.R.M.
Рэалізаваў запіс п’есы Анатоль Додзь («Народны Альбом»).
П’еса была натхнёная турамі гурта па Беларусі і сустрэчамі з рознымі прадстаўнікамі мясцовай адміністрацыі.
Уласна, сюжэт п’есы і будуецца на тым, што ў мястэчка Ёцавічы мусіць прыехаць N.R.M. Для гурта гэта звычайны шараговы туравы канцэрт, а для ёцавіцкай адміністрацыі — падзея, ЧП раённага маштабу, пасля якога можна і з пасады паляцець.
І вось галоўная прадстаўніца «вертыкалі» Ёцавічаў бярэцца за справу…», — напісаў Лявон Вольскі.
Паслухаць альбом «Дом культуры» (з п’есай) можна тут.
-
Пад Стоўбцамі збіраліся знесці чарговую шляхецкую сядзібу. Апомніліся, толькі калі мясцовыя жыхары паднялі шум
-
У Літву з Ватыкана прывезлі ўнікальныя кодэксы з Пагоняй і гістарычнымі мініяцюрамі, створаныя беларускімі графінямі для Папы
-
Беларусы змогуць набываць кнігі ўсляпую — на іх нават будзе зніжка
Цяпер чытаюць
Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць26
Каментары
3.Міхалок
2.Мулявін
1.Вольскі