Міністр замежных спраў Украіны лічыць рэалістычным сцэнарый поўнага адключэння электраэнергіі ў краіне з-за расійскіх абстрэлаў
Пра гэта Дзмітрый Кулеба заявіў у інтэрв'ю нямецкаму тэлеканалу ARD.
Калі гэта адбудзецца, украінцы не будуць масава з'язджаць з краіны, лічыць Кулеба. Хутчэй за ўсё, паводле яго слоў, жыхары гарадоў будуць перабірацца ў сельскія раёны, «дзе ёсць магчымасць тапіць дровамі».
Падчас інтэрв'ю міністр адказаў на крытыку меркаваных украінскіх нападаў на аэрадромы ў РФ, заўважыўшы, што Украіна «не мае патрэбы ў маральных уроках»:
«Пуцін прыйшоў знішчыць нас — як дзяржаву, як нацыю. Калі б да вас у кватэру зайшоў забойца і паспрабаваў вас забіць, а ваш сусед сказаў «Не гуляй з агнём, не трэба яго правакаваць», то вы, напэўна, сказалі, што ваш сусед не ў сваім розуме».
Кулеба не стаў наўпрост адказваць, ці мае дачыненне Кіеў да гэтых нападаў. Ён адзначыў, што менавіта з гэтых авіябаз вылятаюць далёкія бамбардзіроўшчыкі, «якія выпускаюць ракеты па энергасістэме Украіны і забіваюць украінцаў».
-
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?
-
Айцішніка з Мінска пасадзілі па чатырох палітычных артыкулах
-
Сайт Інстытута кантролю ведаў не вытрымлівае нагрузкі з-за колькасці ахвотных даведацца вынікі рэпетыцыйнага іспыту
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?5
Каментары