Google Chrome прызнаны самым уразлівым браўзэрам 2022 года
Новыя звесткі, прадстаўленыя аператарам сэрвісу Atlas VPN, сведчаць пра тое, што карыстальнікі Google Chrome павінны быць надзвычай асцярожныя пры працы ў сеціве — гэты браўзэр найбольш уразлівы.
Па выніках даследавання, у 2022 годзе ў Chrome было выяўлена 303 уразлівасці і 3159 за ўсю яго гісторыю. Высновы заснаваныя на звестках платформы VulDB і ўлічваюць тыя «праломы», што выяўленыя з 1 студзеня па 5 кастрычніка 2022 года.
Другое месца ў антырэйтынгу 2022 года займае Firefox са 117 уразлівасцямі, а трэцяе — Microsoft Edge з 103 уразлівасцямі, іх на 61% больш, чым налічвалася ў 2021 годзе. Нарэшце, чацвёртае месца займае Apple Safari.
Самым бяспечным браўзэрам прызнаная Opera.
Лукашэнка знайшоў незвычайныя словы для спачування Хаменеі: «вераломная атака»27
Каментары