У панядзелак міністр унутраных спраў Літвы Агне Білатайце вынесла на пасяджэнні Дзяржсавета па абароне прапанову аб скасаванні двухбаковых міжнародных дагавораў і міжведамасных пагадненняў з Беларуссю, заключаных у сферах кіравання МУС, піша Delfi.lt.
«Беларускі рэжым не перастае выкарыстоўваць мігрантаў як інструмент палітычнага ціску, а беларускія чыноўнікі сваімі актыўнымі дзеяннямі спрыяюць арганізацыі крызісу нелегальных мігрантаў і разбурэння агароджы. Паколькі Беларусь парушае прынцыпы міжнароднага права і не выконвае двухбаковыя пагадненні, яны губляюць сваё значэнне, і мы прапануем іх скасаваць», — гаворыцца ў заяве міністра ўнутраных спраў Білатайце.
Паводле яе слоў, з улікам таго, што геапалітычныя пагрозы ў рэгіёне не памяншаюцца, а Беларусь як саюзнік Расіі працягвае ажыццяўляць арганізаваную гібрыдную агрэсію супраць Літвы на мяжы, двухбаковыя міжнародныя дамоўленасці з Беларуссю ўжо губляюць сэнс.
Каментары