У Чашніках мастака пакаралі за патрыятычныя надпісы на трубаправодзе і гармаце
23-гадовага Сцяпана Хадатовіча з Новалукомля абвінавацілі ў тым, што ў сакавіку гэтага года ён «зрабіў экстрэмісцкія надпісы на трубаправодзе Лукомскай ГРЭС», а яшчэ праз два месяцы «нанёс на паверхню артылерыйскай гарматы, усталяванай на тэрыторыі вайсковага пахавання ў вёсцы Старыя Лаўкі Чашніцкага раёна, выявы бела-чырвона-белага і сіне-жоўтага сцягоў», піша «Вясна».
Сцяпан Хадатовіч падчас працы ў Чашніцкім Доме рамёстваў
26 жніўня суддзя суда Чашніцкага раёна Таццяна Заруба асудзіла хлопца паводле арт. 341 Крымінальнага кодэкса (апаганьванне збудаванняў і псаванне маёмасці) да 2,5 гадоў «хіміі».
Сцяпан Хадатовіч — выпускнік мінскай гімназіі-каледжа мастацтваў імя Ахрэмчыка. Пасля яго заканчэння Сцяпан уладкаваўся ў Чашніцкі Дом рамёстваў, каб кіраваць гуртком «Сувенір» па роспісе цагляных вырабаў.
На час затрымання ён працаваў мастаком-афарміцелем Навалукомскай ГРЭС.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі8
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары