Генштаб Украіны паведаміў пра вызваленыя за суткі 20 населеных пунктаў
Генштаб Узброеных Сіл Украіны ў сваёй ранішняй зводцы паведаміў аб вызваленні больш за 20 населеных пунктаў. Іх назвы не згадваюцца.
«Усяго за мінулыя суткі сілам абароны ўдалося выцесніць ворага з больш за 20 населеных пунктаў. Праводзіцца ўзяцце іх пад поўны кантроль і стабілізацыйныя меры», — гаворыцца ў зводцы.
«Працягваецца вызваленне населеных пунктаў ад расійскіх захопнікаў у Харкаўскай і Данецкай абласцях. Як паведамлялася раней, падчас адступлення расейскія войскі спешна кідаюць свае пазіцыі і ўцякаюць углыб часова занятых тэрыторый або на тэрыторыю РФ. Гэтая тэндэнцыя захоўваецца», — адзначылі ў Генштабе.
Каментары