У жніўні 2022 года ў Беларусі дылерамі было прададзена ўсяго 542 машыны. Такім чынам, аўтамабільны рынак легкавых аўтамабіляў Беларусі скараціўся на 83,9%, або на 2834 штук, у параўнанні са жніўнем 2021-га. Пра гэта паведамляе Беларуская аўтамабільная асацыяцыя.
Па выніках 8 месяцаў 2022 года на рынку лідзіруе марка LADA з вынікам 3490 аўтамабіляў. У тройцы лідараў таксама знаходзяцца брэнды Geely і Kia.
Усяго з пачатку года ў Беларусі прададзена 11 764 новых легкавых аўто.
Чаканы ўзровень продажаў у найбліжэйшыя месяцы шмат у чым будзе вызначацца аб'ёмам рэалізацыі Geely, заўважаюць спецыялісты. Без уліку продажаў айчыннага вытворцы рынак наўрад ці пераадолее мяжу ў 500 легкавых аўтамабіляў у месяц.
Пры гэтым асартымент новых аўтамабіляў ад дылераў працягвае скарачацца. Калі годам раней дылерамі-членамі БАА на рынку былі прадстаўлены 112 мадэляў новых аўтамабіляў, то ў жніўні 2022 года — толькі 36.
Чытайце таксама:
Завод «БелДжы» плануе выпусціць да канца года 12 тысяч аўтамабіляў
У верасні завод «БелДжы» плануе выйсці на поўную магутнасць
Беларускі рынак застанецца без аўтамабіляў?
«Толькі з Германіі, без прабегу па Беларусі». Якія люксавыя аўтамабілі беларусы прыганяюць для перапродажу
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары