Беларускі IT-рынак і Парк высокіх тэхналогій пакідае адзін з яго замежных піянераў — дацка-ўкраінскі распрацоўшчык Ciklum. Разам з ім Беларусь чарговы раз застанецца без прысутнасці амерыканскага мільярдэра Джорджа Сораса, які з'яўляецца ўладальнікам кантрольнага пакета кампаніі.
Як даведаўся Office Life, рэзідэнт ПВТ «Сіклум Бел», які ўваходзіць у міжнародную групу Ciklum, з чэрвеня гэтага года знаходзіцца ў працэсе ліквідацыі.
У 2015 годзе кантрольны пакет Ciklum набыў створаны Джорджам Сорасам Ukrainian Redevelopment Fund. Сродкі багатага інвестара дазволілі кампаніі ўзмацніць сваю прысутнасць на старых і выйсці на новыя рынкі.
З завяршэннем ліквідацыі гэтай «дачкі» Беларусь зноў пакіне Джордж Сорас, які каля 25 гадоў таму ўжо сыходзіў з нашай краіны. Але тады ён гэта зрабіў у статусе мецэната, а не бізнэсоўца.
Упершыню вядомы амерыканец адкрыў для сябе Беларусь у 1992 годзе і восенню таго ж года асабіста пабываў у Мінску, каб даць старт адукацыйным праектам свайго Фонду Сораса. Беларускі філіял пачаў працаваць з 1993-га, арганізуючы семінары для дырэктараў школ, лекцыі з запрашэннем навукоўцаў з ЗША, паездкі мясцовых навукоўцаў на сімпозіумы і стажыроўкі за мяжу. Фонд цалкам прафінансаваў цэнтр прыватызацыі, які павінен быў дапамагчы мясцовым уладам у правядзенні раздзяржаўлення. Таксама ён стварыў і падтрымліваў такія праекты, як «мас-медыя цэнтр» і «Трансфармацыя гуманітарнай адукацыі».
На пачатку 1995 года ў Джорджа Сораса адбылася афіцыйная сустрэча з Аляксандрам Лукашэнкам, замест запланаваных 45 хвілін яна доўжылася звыш дзвюх гадзін. Бакі засталіся задаволеныя адзін адным, і некаторы час Беларускі фонд Сораса актыўна дзейнічаў. Але ў 1997 годзе амерыканскі мільярдэр абвясціў пра спыненне ўсялякай дзейнасці на тэрыторыі нашай краіны.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары