«Падыміцеся над сваімі слабасцямі», — вядомы слоган з рэкламы доктара Сайкова, дзе абяцалі вылечыць алкагалізм, курэнне і пазбавіць ад лішняй вагі. У нулявыя дзякуючы ТБ Сайкоў стаў дзіка папулярным. Расказваем пра культавую персону заснавальніка «Нардзіна».
Педыятр, які пайшоў у наркалогію
Сайкову 61 год, ён родам з Іркуцка. Сын ваеннага медыка. Адна з яго бабуль была «шаптухай» у Забайкаллі.
З шасці год Сайкоў жыве ў Мінску. У сталічным медінстытуце ён вучыўся на педыятра, але паралельна заціківіўся псіхіятрыяй, з якой і звязаў сваю кар'еру.
Сайкоў працаваў нарколагам па размеркаванні. А ў 1990-м стаў загадчыкам 1-га наркалагічнага аддзялення Гарадскога наркалагічнага дыспансера Мінска.
Ён разумеў, што без псіхіятрыі ў лячэнні алкагалізму дабіцца поспеху будзе складана.
«Пацыенты, якія не хацелі лячыцца, лічылі так: нас труцяць. Хавалі таблеткі за шчаку, потым праз акно выплёўвалі. Прыходзіць вясна, сыходзіць снег, і вакол наркааддзялення быццам добры град выпаў — усё таблеткамі ўсеяна», — апісваў ёй сітуацыю ў інтэрв'ю.
Сайкоў — кандыдат медыцынскі навук. Свой метад лячэння ён заснаваў на падставе метаду эмацыйна-стрэсавай псіхатэрапіі народнага доктара СССР Даўжэнкі.
Па маладосці Сайкоў, дарэчы, цікавіўся гіпнозам. Навыкі трэніраваў на сваёй маці.
«Нардзін» і кадзіраванне ў сельсавеце
«Нардзін» Сайкоў адкрыў 19 год таму. За гэты час медцэнтр стаў адной з топавых прыватных клінік — з уласным фітнес-цэнтрам, аперацыйным аддзяленнем і гісталагічнай лабараторыяй.
Але ў біяграфіі доктара былі розныя гісторыі. У 2012 годзе, напрыклад, аршанская міліцыя з дапамогай Сайкова «добраахвотна-прымусова» кадзіравала людзей ад алкагалізму. Збіралі пітушчых з усяго сельсавета ў доме культуры і за невялікія грошы праводзілі сеансы.
«Чалавеку, які трапіў у сеткі алкагольнай залежнасці, абавязкова трэба дапамагчы, а часам нават і супраць яго волі», — каментавала гэта міліцыя.
Бамонд і барада
Доктар паспеў паспрабаваць сябе і на эстрадзе. Удзельнічаў у шоу «Дзве зоркі» на АНТ. І пасля стаў часткай сталічнага бамонду. Хадзіў на прыёмы, быў вядучым перадач, неаднаразова спяваў на тэлеканцэртах. Запісваў дуэты з беларускімі артыстамі і аўтарскія песні — адна з іх называлася «Закадзірую».
З барадой Сайкоў ходзіць са студэнцтва. Толькі аднойчы згаліў яе.
«Калі я атрымліваў размеркаванне, мне намеснік міністра аховы здароўя не даў яго. Маўляў, ты хочаш быць урачом або лесарубам? Выйшаў, тэлефаную маці. Яна мне: «Сыночак, бараду можна і зноў адгадаваць, а размеркаванне раз у жыцці». Згаліў», — згадваў ён.
Жонка і сын — таксама медыкі
У вольны час доктар любіць хадзіць на паляванне.
«На паляванні мужчына праяўляе свой галоўны інстынкт — здабытчыка, рэалізуе там сваю брутальнасць», — разважаў Сайкоў.
На загарадным лецішчы ў Браславе ў яго свая гаспадарка — качкі, гусі, трусы (ён нават спрабаваў вывесці новы від).
Жонка вядомага доктара таксама працуе ў медыцыне — педыятрам. Яны разам вучыліся ў інстытуце. Па слядах бацькі пайшоў старэйшы сын Антон — стаў нарколагам. Працуе ў Гарадскім клінічным наркалагічным дыспансеры.
**
Вобшук у «Нардзіне» ўчора праводзіў Дэпартамент фінансавых расследаванняў. Была вынята дакументацыя. Праца медыкаў не спынялася.
Самога Сайкова разам з жонкай затрымалі на загарадным лецішчы, але пасля адпусцілі.
Раней улады спынілі працу медцэнтраў «Ладэ» і «Клініка А1».
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары