Былы прэзідэнт Віктар Януковіч, які збег у 2014 годзе, звярнуўся да Уладзіміра Зяленскага.
«Я хачу па-прэзідэнцку і нават крыху па-бацькоўску заклікаць Уладзіміра Зяленскага.
Уладзімір Аляксандравіч, вы, мусіць, марыце стаць сапраўдным героем! Але ж гераізм не паказальны, ён не ў тым, каб ваяваць да апошняга ўкраінца.
Ён у самаахвяраванні, у перамозе над уласным гонарам і амбіцыямі дзеля захавання жыццяў людзей. У свой першы дзень вы абяцалі спыніць вайну ва Украіне, і толькі таму ўся Украіна падтрымала вас. Вы маглі стаць прэзідэнтам міру, але, на жаль, гэтага не адбылося.
Я добра разумею, што ў вас шмат «дарадцаў», але асабіста вы абавязаны любым коштам спыніць кровапраліцце і дасягнуць мірнай дамовы.
Гэтага ад вас чакаюць ва Украіне, Данбасе і Расіі. Вам будуць удзячныя ўкраінскі народ і вашы партнёры на Захадзе. «Шчаслівыя міратворцы, бо яны будуць нарачоныя сынамі божымі» (Евангелле ад Матфея раздзел 5 верш 9).
На пачатку сакавіка з’яўлялася інфармацыя, што уцекача Януковіча Расія хоча вярнуць і зрабіць «прэзідэнтам Украіны». Учора самалёт Януковіча прылятаў у Мінск.
Цяпер чытаюць
Рыта Дакота набыла дом за некалькі мільёнаў даляраў каля Галівуда2
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары