«Нелицеприятно» выказаўся пра Усебеларускі народны сход». Пенсіянеру пагражае да пяці гадоў турмы
Мікалаю Віцікаву 68 гадоў, ён жыве ў вёсцы Церуха Гомельскага раёна. Затрыманы ён быў 14 студзеня, а сёння стала вядома, што пракуратура санкцыянавала яму арышт на два месяцы. А праходзіць як падазраваны пенсіянер па частцы 1 артыкула 130 Крымінальнага кодэкса — за распальваньне варожасці.
У вёсцы Мікалая Герасімавіча ведаюць як добрага і адэкватнага чалавека. Ён дапамагаў у розных патрэбах мясцовай царкве.
Былы дэпутат сельскага савета Віцікаў, паводле паведамленняў прэсы, яшчэ летась запісаў свае разважанні пра Усебеларускі народны сход, а нядаўна даслаў іх у рэдакцыю раённай газеты «Маяк». Таксама ён хацеў арганізаваць у Церусе дыялогавую пляцоўку па абмеркаванні Канстытуцыі.
6 студзеня ў Віцікава прайшоў ператрус, шукалі «экстрэмізм» і сімволіку. У пастанове на ператрус было напісана, што Віцікаў «нелицеприятно» выказаўся пра Усебеларускі народны сход». 14 студзеня па пенсіянера прыйшла міліцыя і яго забралі ў ізалятар часовага ўтрымання. Цяпер яму пагражае да пяці гадоў.
Пра затрыманне пенсіянера выказалася раённая газета «Маяк», за зварот у якую Віцікаў акурат і пацярпеў. Ягоны ліст з прапановамі наконт праекта Канстытуцыі выданне назвала «падобным да кляўзы», а самога Віцікава — «правінцыйным інтэлігентам пенсійнага ўзросту», «сельскім правакатарам», які «разносіць свае пасквілі па ўсім раёне».
Жыхара Гомельшчыны затрымалі за тое, што прынёс у рэдакцыю ліст наконт Канстытуцыі
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары