Італьянскія сябры Шпакоўскага пахавалі паплечніцу пад сцягам Трэцяга Рэйха. Цяпер у іх праблемы
Італьянскае выданне ROMA піша пра скандал, які адбыўся ў Рыме 10 студзеня. Каля царквы Санта-Лючыя сябры ўльтраправай палітычнай партыі Forza Nuova правялі цырымонію развітання з сябрам арганізацыі, 44-гадовай Алесіяй Аўгела.
Жыхароў суседніх дамоў, чые вокны выходзілі на працэсію, шакавала, што падчас усёй цырымоніі труна нябожчыцы была загорнута ў нацысцкі сцяг Трэцяга Рэйха са свастыкай. Удзельнікі цырымоніі праводзілі труну з целам нацысцкім вітаннем.
Ватыкан назваў падзею абражальнай і непрымальнай для царквы, а італьянская паліцыя ўстанаўлівае асоб, якія адважыліся карыстацца сімволікай Трэцяга Рэйху ў цэнтры сталіцы.
Прамога дачынення да Беларусі сітуацыя не мае, але некаторыя рэчы ўсё ж выразна ілюструе.
У 2016-м у Беларусь прыязджала дэлегацыя еўрапейскіх неанацыстаў, у складзе якой быў лідар Forza Nuova Раберта Фіорэ.
Лідары італьянскіх і брытанскіх неанацыстаў наведалі Беларусь, іх суправаджалі Дзермант і Шпакоўскі
Суправаджалі яго член канстытуцыйнай камісіі Аляксандр Шпакоўскі, а таксама Аляксей Дзерман і Юрый Шаўцоў.
Апроч таго, дапушчальным сустрэцца з Фіорэ палічылі Алег Гайдукевіч і Ігар Марзалюк. Па чыім запрашэнні неанацысты прыехалі ў Беларусь не паведамлялася.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі8
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары