Начальнік Генштаба заявіў аб фармаванні «кольцаў анаконды» вакол нашай краіны
Неабгрунтаванае з ваеннага пункту гледжання стварэнне буйных груповак войскаў на тэрыторыі сумежных краін істотна павышае ўзровень небяспекі.
Пра гэта гаворыцца ў афіцыйнай заяве начальніка Генеральнага штаба Узброеных сіл — першага намесніка міністра абароны Беларусі генерал-маёра Віктара Гулевіча, паведамляе БелТА.
«Калі на мінулым тыдні нашымі разведвальнымі органамі былі выкрытыя 12 палявых лагераў для размяшчэння вайскоўцаў і тэхнікі, то ўжо сёння мы маем інфармацыю аб разгортванні 14 такіх лагераў. Іх утрыманне дазваляе размяшчаць некалькі дзясяткаў тысяч вайскоўцаў. Насцярожвае і тое, што акрамя стварэння груповак войскаў на польскай тэрыторыі, нарошчваюць свае кантынгенты і нашы прыбалтыйскія суседзі — Літва і Латвія.
А калі яшчэ ўлічваць агрэсіўныя паводзіны Украіны ў дачыненні да Беларусі, то, па сутнасці, вакол нашай краіны фармуецца «пояс недружалюбных дзяржаў» па прынцыпе вядомай амерыканскай канцэпцыі «кольцаў анаконды»», - заявіў Віктар Гулевіч.
Пры гэтым, па яго словах, парушаюцца ўсе міжнародныя дамоўленасці ў пытаннях бяспекі і транспарэнтнасці ваеннай дзейнасці.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі6
Каментары