Трагічна загінуў 24-гадовы брамнік хакейнай зборнай Латвіі: піратэхніка
Галкіпер нацыянальнай каманды Латвіі па хакеі Маціс Кіўленіекс, які гуляў у клубе НХЛ «Каламбус Блю Джэкетс», пайшоў з жыцця ў 24 гады.
Delfi.lv
Паводле Delfi, галкіпер памёр ад траўмы, атрыманай у выніку неасцярожнага абыходжання з піратэхнікай падчас святкавання Дня незалежнасці ў ЗША, які адзначаюць 4 ліпеня. Асколак петарды трапіў у сэрца, ён памёр на месцы.
У маі 24-гадовы Кіўленіекс гуляў за зборную Латвіі на чэмпіянаце свету ў Рызе. Правёў чатыры гульні. У сярэднім за матч ён прапускаў 2,18 шайбы і адбіў 92,2% кідкоў. У самым першым матчы Кіўленіекс дапамог зборнай Латвіі атрымаць гістарычную перамогу над Канадай (2:0), якая затым дайшла да фіналу і заваявала залатыя медалі.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі34
Каментары