Мінздароўя пра сітуацыю з другой дозай вакцыны: Чакаем дазволу з Расіі, сёння пераразмяркуем наяўную
Міністэрства аховы здароўя пракаментавала сітуацыю з недахопам другога кампанента вакцыны ад кавіду «Спутнік V». Ведамства паведамляе, што цяпер чакаюць з Расіі дазвол на выкарыстанне 180 тысяч доз другога кампанента.
«На сёння калегі з Расіі завяршаюць правядзенне працэдуры кантролю якасці вакцыны, якую вырабілі на магутнасцях «Белмедпрэпаратаў». Плануецца, што ў грамадзянскі абарот вакцына паступіць да канца тыдня», — паведамляе Мінздароўя ў сваім тэлеграм-канале.
Ведамства нагадвае, што ў краіне больш за 656 тысяч чалавек атрымалі першую дозу вакцыны супраць COVID-19, з іх больш за 358 тыс. прайшлі поўны курс вакцынацыі.
Па наяўнасці вакцыны — на сённяшні момант і да канца тыдня ў краіне маецца ў наяўнасці больш за 150 тыс. доз першага кампанента і больш за 30 тысяч доз другога.
З улікам узніклай учора сітуацыі з адсутнасцю вакцыны ў некаторых паліклініках сталіцы, сёння будзе пераразмеркаваны другі кампанент вакцыны.
Мінздароўя нагадвае, што тэрмін правядзення этапаў вакцынацыі напрамую залежыць ад часу паступлення партый вакцыны (вытворчасці вакцыны) пасля праходжання працэдуры кантролю якасці.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары