Дырэктарка Белсата: Анжаліцы Борыс прапаноўвалі вызваленне ўзамен на дэпартацыю
Дырэктарка тэлеканалу Белсат Агнешка Рамашэўска-Гузы напісала ў сваім Facebook, што старшыні неафіцыйнага Саюза палякаў Беларусі Анжаліцы Борыс прапаноўвалі вызваленне ўзамен на выезд з Беларусі.
«Навакольным шляхам я атрымала некаторую інфармацыю пра тое, што Анжаліцы Борыс прапаноўвалі вызваленне ўзамен на згоду аб дэпартацыі з Беларусі. Яна адмовілася.
Выглядае, што аналагічная прапанова была зроблена і Анджэю Пачобуту, і адказ быў ідэнтычным. Нібыта (але я магу тут напісаць толькі «нібыта») Ірэна Бярнацкая сказала ні «так», ні «не», а Марыя Цішкоўская была гатовая пагадзіцца. Бадай, Ганна Панішава знаходзіцца не ў найлепшым фізічным і псіхічным стане», — напісала яна.
Нагадаем, што Борыс, як і актывісты неафіцыйнага СПБ Пачобут, Бярнацкая, Цішкоўская і Панішава, з'яўляецца фігурантам справы аб «распальванні нацыянальнай варожасці» і «рэабілітацыі нацызму». Ім пагражае ад 5 да 12 гадоў пазбаўлення волі.
Усе яны прызнаныя палітвязнямі.
-
На радзіме Кастуся Каліноўскага бура пашкодзіла старыя могілкі. Праваслаўная парафія просіць дапамогі — або грашыма, або хто можа прыехаць з бензапілкай
-
Стала вядомая прычына нядаўняга пажару ў цэнтры Мінска
-
«Дабраліся і да сабак». Мікола Статкевіч расказаў пра спецаперацыю супраць ягоных гадаванцаў
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам5
Каментары