У Ваўкавыску на курсы «Мова Нанова» прыйшла міліцыя. Каля 30 чалавек даставілі ў РАУС
Пра гэта Tut.by распавёў праваслаўны святар Аляксандр Богдан, якога таксама даставілі ў аддзяленне міліцыі.
Аляксандр Богдан распавёў, што заняткі па беларускай мове толькі пачаліся, калі ў памяшканне на вуліцы Жолудзева прыйшлі супрацоўнікі міліцыі.
— Мы прапанавалі супрацоўнікам папрысутнічаць на занятках. Тлумачылі, што гэта моўныя курсы і няма ніякай палітыкі, але ў выніку практычна ўсіх пасадзілі ў аўтобус і адвезлі ў міліцыю, — кажа Аляксандр Богдан.
Паводле інфармацыі святара, у міліцыю было дастаўлена каля 30 чалавек, аднаго непаўналетняга хлопца адпусцілі.
На занятках «Мова нанова» ў Ваўкавыску павінен быў выступаць лідар рок-гурта «Крама» Ігар Варашкевіч. Мясцовыя жыхары паведамілі, што яго таксама забралі, але пасля паступіла інфармацыя, што ён у бяспецы.
Са святаром Аляксандрам Богданам правялі гутарку і адпусцілі.
Ён распавядае, што міліцыянты тлумачылі: атрымалі ананімны сігнал і таму прыехалі на месца правядзення курсаў.
Цяпер і астатніх дастаўленых у РУУС пачынаюць адпускаць па адным, папярэдне даюць падпісаць апавяшчэнне пра адміністратыўную адказнасць за парушэнне парадку арганізацыі або правядзення масавых мерапрыемстваў.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Да «Дня народнага адзінства» памілавалі 25 чалавек4
Каментары