Прадстаўнік Беларусі ў ААН: 100, максімум 200 чалавек пратэстоўцаў на двухмільённае насельніцтва сталіцы
Беларусь не згодная з самім фактам разгляду ў Радзе па правах чалавека ААН дакладу Вярхоўнага камісара Мішэль Бачэлет, у якім гаворыцца, што ў Беларусі беспрэцэдэнтны па маштабе крызіс у галіне правоў чалавека. Аб гэтым заявіў пастаянны прадстаўнік Беларусі пры Аддзяленні ААН і іншых міжнародных арганізацыях у Жэневе Юрый Амбразевіч, піша Tut.by.
На думку беларускай дэлегацыі, даклад адлюстроўвае «вельмі суб'ектыўны і спрошчаны погляд» на падзеі ў Беларусі. Рэкамендацыі беларускаму ўраду, на думку Амбразевіча, адарваныя ад рэальных выклікаў у галіне дзяржаўнай палітыкі і кіравання, якія стаяць перад беларускім грамадствам.
— Рэкамендацыі заснаваныя на ідэальных кабінетных тэорыях, прыдатных хіба што ў стэрыльным свеце. У дачыненні да кожнага суаўтара рэзалюцыі 45/1 можна напісаць такі набор рэкамендацый, — заявіў Амбразевіч.
Па словах пастаяннага прадстаўніка Беларусі, у дакладзе няма ні слова аб аб'ектыўнай карціне масавасці пратэстаў.
— На 9,5 мільёна насельніцтва [прыходзіцца] 20-30 тысяч падпісчыкаў на самыя раскручаныя Youtube-каналы галоўных праціўнікаў улады, і 100, максімум 200 чалавек пратэстоўцаў на двухмільённае насельніцтва сталіцы. Аналіз усіх гэтых пытанняў крытычна важны для разумення таго, што адбываецца ў Беларусі, — заявіў Амбразевіч.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары