«Раней яны лічылі, што я валодаю тэлепартацыяй, бо абвінавачвалі мяне ў тым, чаго я не рабіў, у месцы, дзе я не быў. Цяпер яны вырашылі, што я валодаю яшчэ і тэлепатыяй, бо сілай думкі пранікаю ў думкі і арганізоўваю змовы з Ціханоўскім і «вагнераўцамі».
Так Мікола Статкевіч пракаментаваў выстаўленае яму новае абвінавачанне. Пра гэта паведаміла ў фэйсбуку яго жонка Марына Адамовіч.
30 ліпеня стала вядома, што ў дачыненні да Міколы Статкевіча, Сяргея Ціханоўскага і іншых асоб распачата крымінальная справа за «падрыхтоўку да масавых беспарадкаў» па арт. 13 ч. 2 арт. 293 Крымінальнага кодэкса Рэспублікі Беларусь.
Таксама СК паведаміў, што па падазрэнні ў здзяйсненні названага злачынства былі затрыманыя 33 грамадзяніны Расійскай Федэрацыі, супрацоўнікі ПВК «Вагнера», якія пражывалі на тэрыторыі санаторыя «Беларусачка» ў Мінскім раёне.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары