«Савушкаў прадукт» першым у краіне пачаў выпускаць цукерачную серыю глазураваных сыркоў. «Кароўка» і «Труфель» паўтараюць папулярныя цукеркі па смаку, а знайсці іх можна на малочных вітрынах крам і гандлёвых сетак краіны.
Навінкі адкрываюць у Беларусі новы клас дэсертных глазураваных сыркоў. Іх гатуе «Савушкаў прадукт» па ўласных рэцэптах з тварожнага сыру, глазуры і напаўняльніка са смакам цукерак. Тэхнолагі пастараліся максімальна наблізіць іх да вядомых з дзяцінства «Кароўкі» і «Труфелю».
Цукерачная серыя прадстаўлена двума сыркамі. «Кароўка» прыгатавана з тварожнага сыру і пакрыта карамельнай глазурай, а пазнавальны смак ёй надае адмысловы напаўняльнік з водарам сметанковай памадкі. «Труфель» у сваю чаргу — дэталёва падабранае спалучэнне шакаладу, міндаля і ванілі. Зверху сырок шчодра паліты шакаладнай глазурай.
«У Беларусі расце попыт на малочныя дэсерты з яркімі нестандартнымі смакамі. Цукерачныя сыркі — якраз з ліку новых напрамкаў. Яны напэўна зацікавяць аматараў культавых цукерак «Кароўка» і «Труфель». Звыклы смак у новым выкананні, пры гэтым сыркі менш каларыйныя за цукеркі, і зроблены на аснове далікатнага тварожнага сыру, што робіць іх аптымальным выбарам для лёгкага дэсерту і карыснага перакусу. Спадзяемся, падобныя навінкі дазволяць вывесці сегмент дэсертных сыркоў на новы ўзровень», — адзначае вытворца.
Цукерачныя сыркі вагой па 40 грамаў спакаваныя ўва флоў-пакі. Іх дызайн таксама адсылае да легендарных цукерак. Захоўваць тварожныя дэсерты можна ў халадзільніку да 20 дзён. Навінкі ўжо пастаўленыя ў буйныя гандлёвыя сеткі.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА4
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары