Высокая колькасць памерлых тлумачыцца тым, што каранавірус трапіў у тры дамы састарэлых.
Прынамсі 1036 выпадкаў заражэння новым каранавірусам было зафіксавана ў Іспаніі з пачатку распаўсюду інфекцыі ў краіне. Пра гэта паведаміў Цэнтр каардынацыі і надзвычайных сітуацый у галіне аховы здароўя пры Міністэрстве аховы здароўя каралеўства.
Першы выпадак заражэння быў зафіксаваны 31 студзеня, колькасць хворых стала рэзка расці пасля выяўлення лакальнай успышкі ў Італіі. Па стане на 9 сакавіка прынамсі 26 чалавек памерлі.
Больш за ўсё інфікаваных зафіксавана ў аўтаномнай супольнасці Мадрыд. Колькасць выпадкаў за суткі павялічылася там у два разы і дасягнула 436. Пра гэта паведаміла ў панядзелак газета El País.
У Краіне Баскаў 149 захварэлых (6 памерлых).
Вірус распаўсюдзіўся таксама ў Каталоніі, на поўдні Іспаніі і на Канарскіх астравах.
Каментары