«Аўтобус жахаў», цалкам набіты пластыкам, з’явіўся ў Мінску ФОТЫ
За тыдзень установы мінскай вуліцы Кастрычніцкай выкідаюць больш за 20 000 пластыкавых бутэлек. Гэты аб'ём ледзь удалося змясціць у рэтра-аўтобус, які 31 кастрычніка прыпаркаваўся ў канцы тусовачнай вуліцы. Там жа абсталявалі прыпынак «Тупік» (вул. Кастрычніцкая). Назва мае як літаральны, так і вобразны сэнс.
«Тупік — кірунак, куды мы рухаемся праз сваю безадказнасць і неасэнсаванае спажыванне аднаразовага пластыку, — каментуе Наталля Грынцэвіч, дырэктар дзяржаўнай установы «Аператар другасных матэрыяльных рэсурсаў». Толькі ўявіце, калі адна менская вуліца за некалькі дзён прадукуе цэлы аўтобус пластыку, то што адбываецца ва ўсёй сталіцы, краіне, свеце. Кожны год беларусы выкідаюць больш за мільярд ПЭТ-бутэлек!»
За 20 000 ПЭТ-бутэлек — гэтая лічба стала нагляднай дзякуючы ўстанове «Аператар другасных матэрыяльных рэсурсаў» і руху «Мэта 99». Ініцыятары акцыі ўжо пачалі трансфармаваць Кастрычніцкую ў plastic-free тэрыторыю. Каб паменшыць спажыванне пластыку, кожны неабыякавы чалавек можа абраць з 3-х варыянтаў дзеянняў найбольш зручны для сябе:
- Насіць шматразовую бутэльку / кубак;
- Купляць напоі ў больш экалагічнай шкляной тары;
- Здаваць выкарыстаны пластык на перапрацоўку.
У найбліжэйшыя дні ініцыятары праекта паставяць кантэйнеры для збору другасных рэсурсаў каля устаноў, а таксама падораць спецыяльныя ёмістасці для збору адходаў шкла, паперы і пластыку офісам, якія жадаюць далучыцца да акцыі. Бары Кастрычніцкай далучацца да экатрэнду і будуць прапаноўваць гасцям «піць за здароўе планеты», матывуючы замаўляць напоі ў шкляным посудзе.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары