Лікапін — рэчыва, якое ёсць у памідорах, пазітыўна ўплывае на якасць мужчынскай спермы, даказала праведзенае нядаўна даследаванне, піша BBC.
У ходзе выпрабаванняў на працягу 12 тыдняў здаровыя мужчыны атрымлівалі штодня 14 мг біялагічна актыўнай дабаўкі, эквівалентнай дзвюм сталовым лыжкам канцэнтраванай таматнай пасты.
Па заканчэнні выпрабавальнага тэрміну, як высветлілі навукоўцы, у мужчын, якія ўжывалі дабаўку, палепшылася якасць эякуляту.
У выпрабаваннях бралі ўдзел 60 адвольна адабраных фізічна здаровых мужчын. Частка з іх атрымлівала дабаўку, астатнія — плацэба.
Сперму мужчын прааналізавалі ў лабараторыі перад пачаткам эксперыменту, па завяршэнні шасці тыдняў і пасля завяршэння даследавання.
Навукоўцы не выявілі розніцы ў канцэнтрацыі сперматазоідаў на гэтых трох стадыях, аднак іх марфалогія (знешняя форма) адрознівалася: прапорцыя здаровых сперматазоідаў, як і іх рухомасць былі вышэйшыя ў тых мужчын, якія ўжывалі лікапін.
Наступным крокам будзе паўтор гэтага эксперыменту з мужчынамі, якія маюць праблемы з зачаццем, каб паназіраць, ці палепшыць лікапін якасць іх спермы і ці зможа гэта дапамагчы парам зачаць дзіця.
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Каментары