Улады Ганконга адклікалі законапраект, супраць якога выступалі пратэстоўцы
Кіраўнік Ганконга Кэры Лам заявіла, што спрэчны законапраект аб экстрадыцыі цалкам адкліканы. Пра гэта паведамляе South China Morning Post.
Яна таксама падкрэсліла, што цяпер самым галоўным прыярытэтам з'яўляецца спыненне гвалту, аднаўленне парадку і забеспячэнне вяршэнства закона.
«Незалежна ад нашых крыўд або глыбіні незадаволенасці ў адносінах да ўрада, мы не можам пагадзіцца ці прызнаць, што гвалт з'яўляецца рашэннем нашых праблем», — падкрэсліла Лам. Яна таксама прапанавала вырашаць канфлікты з дапамогай перамоваў і разам шукаць рашэнне вострых праблем.
Пратэсты ў Ганконгу доўжацца больш за два месяцы. Масавыя акцыі пачаліся ў чэрвені ў адказ на планы раённай адміністрацыі дазволіць выдачу падазраваных у здзяйсненні злачынстваў у мацерыковую частку Кітая. Нягледзячы на адмову ўладаў Ганконга ад рэалізацыі гэтых планаў, дэманстранты сталі патрабаваць расследавання залішне жорсткіх дзеянняў паліцыі ў дачыненні да пратэстоўцаў і адстаўкі Лам з пасады кіраўніка адміністрацыі рэгіёну.
Чаму і як пратэстуе Ганконг
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары