Польская паліцыя затрымала 51-гадовую жанчыну за «прафанацыю вобраза Божай Маці». Жанчына распаўсюджвала малюнкі Панны Марыі з німбам, размаляваным у колеры вясёлкавага сцяга ЛГБТ, паведамляе партал Onet.
Кіраўнік МУС Польшчы Ёахім Брудзінскі напісаў у твітары:
— Я ўдзячны польскай паліцыі за эфектыўную аперацыю па выяўленні і затрыманні асобы, якая падазраецца ў прафанацыі святога для палякаў вобраза Божай Маці. Ніякія размовы аб свабодзе і «талерантнасці» не даюць нікому права абражаць пачуцці вернікаў.
Dziękuję @PolskaPolicja za sprawną akcję z wytypowaniem i zatrzymaniem osoby podejrzewanej o profancję świętego od wieków dla Polaków wizerunku Matki Bożej. Żadne bajanie o wolności i „tolerancji” NIKOMU nie daje prawa do obrażania uczuć ludzi wierzących.
Жанчыну затрымалі ў горадзе Плоцку ў Цэнтральнай Польшчы. Яна каля мясцовага касцёла размяшчала на біятуалетах і сметніках налепкі і постары з выявай Чанстахоўскай Божай Маці. Німбы Панны Марыі і немаўляці Хрыста на малюнках былі размаляваныя ў колеры вясёлкі (сцяг ЛГБТ).
Затрыманай прад'явілі абвінавачанне ў абразе рэлігійных пачуццяў і злоўжыванні аб'ектам рэлігійнага культу. За падобнае злачынства прадугледжана пакаранне ў выглядзе штрафу або пазбаўлення волі на тэрмін да 2 гадоў.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары