Жыхару Бабруйскага раёна пагражае адказнасць за жорсткае абыходжанне з жывёламі. Ён павесіў чужога паляўнічага сабаку за тое, што ён задушыў яго курыцу, паведамляе УУС Магілёўскага аблвыканкама.
У РАУС 20 студзеня звярнуўся 55-гадовы мужчына, які паляваў у раёне вёскі Старынкі Бабруйскага раёна з сабакам пароды рускі ганчак. Паводле яго слоў, у нейкі момант сабака перастаў адклікацца, і ён адправіўся на яго пошукі. Аказалася, што жывёлу на сваім падворку павесіў мясцовы жыхар.
Праваахоўнікі высветлілі, што 62-гадовы жыхар вёскі Старынкі ўбачыў у сваім куратніку сабаку, там жа ляжала мёртвая курыца. Пенсіянер павесіў жывёлу на дрэве. Свае дзеянні ён патлумачыў тым, што сабака мог задушыць усіх яго курэй.
Склалі адміністрацыйны пратакол за жорсткае абыходжанне з жывёламі. Яму пагражае штраф у памеры ад 10 да 30 базавых велічынь (ад 255 да 765 рублёў) або адміністрацыйны арышт.
Гаспадару сабакі таксама пагражае адміністрацыйная адказнасць за парушэнне правіл утрымання свойскай жывёлы.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся7
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары