Кампанія «Камчацкэнерга» паведаміла пра шматлікія лісты ад жыхароў Камчаткі, у якіх людзі адмаўляюцца ад аплаты камунальных паслуг, называючы сябе «грамадзянамі СССР», паведамляе ТАСС.
«Мы пакуль што не можам падлічыць агульную колькасць такіх лістоў, таму што ёсць асобныя звароты ад народжаных у СССР жыхароў, а ёсць звароты з прафсаюза «Саюз ССР», — адзначыла дарадца гендырэктара па інфармацыйнай палітыцы «Камчацкэнерга» Алена Сімаева. — Яны прыходзяць не толькі да нас, але і ў «Водаканал», Фонд капітальнага рамонту і кіруючыя кампаніі. Раней такія звароты былі адзінкавымі, але цяпер іх становіцца вельмі шмат. Людзі пішуць, што яны народжаныя ў СССР, на іх дзейнічае канстытуцыя СССР, і плаціць за паслугі яны не будуць».
Сімаева удакладніла, што ў Петрапаўлаўску-Камчацкім актыўна распаўсюджваюцца ўлёткі, у якіх сцвярджаецца, што калі чалавек нарадзіўся ў СССР, то ён не павінен плаціць за паслугі ЖКГ.
Раней пра масавыя выпадкі адмовы ад аплаты камунальных паслуг па прычыне сяброўства ў арганізацыі «Прафсаюз Саюз ССР» паведамлялі арганізацыі Хакасіі і Омскай вобласці.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца10
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары