Ва УП «Мінсккамунцепласетка» плануюць да канца бягучага года адмовіцца ад начных адключэнняў гарачай вады, паведамляе «Мінск-Новості».
Цяпер прыкладна з 00:00 да 5:00 цеплаэнергетыкі адключаюць помпы, якія забяспечваюць транспарціроўку гарачай вады ў жылыя дамы. Як патлумачылі ва УП «Мінсккамунцепласетка», гэта робіцца з мэтай рацыянальнага выкарыстання рэсурсаў і ў сувязі з мінімальным спажываннем гарачай вады ў начны час.
— Адключэнні помпаў у начны час — сацыяльна і эканамічна абгрунтаваная мера, — кажа дырэктар УП «Мінсккамунцепласетка» Уладзімір Аляксандраў. — Уначы гарачай вадой карыстаюцца 3-4 чалавекі на 10 шматкватэрных дамоў, ад іх і надыходзяць скаргі. Але забяспечыць гэтых людзей неабходным рэсурсам кропкава, у кожнай асобнай кватэры, тэхнічна немагчыма.
Тым не менш на прадпрыемстве збіраюцца наогул адмовіцца ад начных адключэнняў да канца года.
Ці будзе прынята аналагічнае рашэнне па астатніх 50% жыллёвага фонду горада, які абслугоўвае філіял «Мінскія цеплавыя сеткі» РУП «Мінскэнерга»?
— У найбліжэйшай будучыні пакуль не плануем перавесці цыркуляцыйна-павышальныя помпы на кругласутачны рэжым работы, — праінфармавалі ў РУП «Мінскэнерга».
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было11
Каментары