Больш за 3,6 тысячы дзяцей, многія з якіх ва ўзросце 13 гадоў ці менш, сталі ахвярамі сэксуальнага гвалту з боку каталіцкага духавенства ў Германіі за апошнія семдзесят гадоў, напісалі нямецкія выданні Die Zeit і Der Spiegel, якія азнаёмілася з даследаваннем, праведзеным па даручэнні Рымска-каталіцкай царквы, да яго публікацыі.
Як мінімум 1670 каталіцкіх работнікаў датычныя да інцыдэнтаў з 3677 дзяцьмі. Адзначаецца, што даследаванне праводзілася на працягу чатырох гадоў трыма універсітэтамі.
Само даследаванне яшчэ не апублікавана, аднак СМІ паспелі азнаёміцца з копіямі дакладаў да публікацыі — яна запланавана на 25 верасня.
Даследаванне ахоплівае перыяд з 1946 года па 2014 год. У ім вывучаюцца выпадкі жорсткага абыходжання з дзецьмі, кожны шосты выпадак звязаны з згвалтаваннем, высветлілі аўтары даследавання. Пры гэтым большасць ахвяр згвалтавання — хлопчыкі.
Каментары