Тэлеканал СТБ апублікаваў пашыраную відэаверсію нарады ў Оршы, якую праводзілі Аляксандр Лукашэнка і члены ўрада.
У сюжэт увайшлі часткі, якія не былі паказаныя ў навінах іншых тэлеканалаў.
«Я вас папярэджваў: працаваць там трэба, як у ваенны час. І Шэймана туды паслаў, які нічога не зрабіў у плане кантролю. Нічога! Генерал! — крычаў Лукашэнка. —
Паехаў у Барань. А калі пайшлі не па маршруце, жанчына, кіраўнік завода, правяла ў некаторыя кабінеты тэхналагічных паверхаў, дзе людзі працуюць, жах проста. Дохлыя пацукі, мышы, прэзерватывы і іншая нарката. І вы мне нешта расказваеце?! Пытаюся, што з гэтым будынкам? Бо супербудынак, такіх няма ў краіне. Мне адказваюць: «Гэта мы на продаж, гэта пад бульдозер». А вызначана была задача, што ўсе памяшканні павінны быць задзейнічаны».
Дасталася і Віктару Шэйману, паплечніку Лукашэнкі яшчэ з 1990-ых. Ён выступаў з дакладам аб выкананай працы.
«Прааналізуем публічна, што там зроблена? Грошы далі, ільготы далі, адтэрміноўку, растэрміноўку. Тыдзень працы! І калі гэта зроблена, пытанне, калі я ў красавіку 2017 года паставіў задачу. Сфармаваныя пералікі неэфектыўнага выкарыстання маёмасці! Гэта значыць на ліст напісалі, што пад бульдозер, што прададзім».
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік5
Каментары