Кітайская кампанія Huawei у другім квартале 2018 года апярэдзіла Apple па колькасці прададзеных смартфонаў, і заняла другое месца ў свеце. Пра гэта сведчаць даныя маркетынгавага даследавання кампаніі International Data Corporation (IDC).
Так, Huawei прадала 54,2 мільёна смартфонаў, што на 40,9% больш за аналагічны леташні перыяд (38,5 мільёна). Гэта складае 15,8% сусветнага рынку супраць 11% у другім квартале мінулага года.
Apple упершыню заняла трэцяе месца ў рэйтынгу па продажах смартфонаў — кампанія прадала 41,3 мільёнаў тэлефонаў.
Карпарацыя Samsung заняла першае месца ў рэйтынгу, прадаўшы 71,5 мільёна смартфонаў за гэты перыяд. Доля кампаніі на рынку склала 20,9%.
Каментары