У Таджыкістане паставілі на ўлік усіх геяў і лесбіянак — налічылася 370 чалавек
МУС і Генпракуратура Таджыкістана склалі спіс з 370 геяў і лесбіянак, якія пражываюць у краіне. Пра гэта паведамляе партал CA-news.
Адзначаецца, што перапіс прадстаўнікоў нетрадыцыйных сэксуальных меншасцяў праходзіла ў рамках аперацый з кодавымі назвамі «Маральнасць» і «Чыстка». У пераліку 319 мужчын-гамасэксуалістаў і 48 жанчын-лесбіянак. Аб прыналежнасці яшчэ траіх чалавек невядома. «Прыналежнасць гэтых людзей да сэкс-меншасцяў даказаная і ўсе яны пастаўленыя на аператыўны ўлік», — гаворыцца ў паведамленні.
На ўмовах ананімнасці адзін з супрацоўнікаў праваахоўных органаў паведаміў, што геі і лесбіянкі пастаўленыя на ўлік з-за таго, што яны, таксама «як і прастытуткі, схільныя да высокай рызыку заражэння ВІЧ-інфекцыяй і ўваходзяць у групу уразлівых слаёў насельніцтва ў сувязі з частай зменай партнёраў».
Таджыкістан дэкрыміналізаваў гомасэксуальныя адносіны ў 1998 годзе, адмяніўшы закон савецкай эпохі.
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
-
Яноціха Ясенія, якая нелегальна прыехала з ЗША, знайшла мужа ў Баранавічах
Каментары