Дзявяты эпізод кінаэпапеі «Зорныя войны» выйдзе на экраны 20 снежня 2019 года. А гэта больш чым на паўгода пазней, чым планавалася першапачаткова, паведамляюць інфармагенцтвы.
Афіцыйная прычына пераносу не паведамляецца, але гэта магло адбыцца з-за таго, што раней Колін Трэварау адмовіўся выступаць у якасці рэжысёра кінастужкі, і Disney давялося шукаць яму замену.
Першапачаткова выхад фільма планаваўся на канец мая 2019. Але нядаўна стала вядома аб пераносе прэм'еры на снежань таго ж года. Новым рэжысёрам прызначылі Джэй Джэй Абрамса, які ўжо працаваў над стварэннем сёмага эпізоду «Зорных войнаў». Менавіта ён у 2015 годзе адкрыў новую эпоху культавай серыі фільмаў.
Практычна ніякай інфармацыі, акрамя даты рэлізу, пра дзявяты эпізод пакуль няма. Яму яшчэ нават не далі прысвоілі назву.
Каментары