Супрацоўнікі Упраўлення па барацьбе з эканамічнай злачыннасцю УУС Магілёўскага аблвыканкама і Шклоўскага РАУС спынена злачынная дзейнасць дырэктара Шклоўскага УКП «Жылкамгас», які ў красавіку 2015 года ўклаў 11 дамоваў куплі-продажу з мінскай камерцыйнай структурай на набыццё розных тавараў для прадпрыемства па завышаных цэнах, паведамляе прэс-служба УУС Магілёўшчыны.
Дамовы былі аформленыя рознымі датамі на сумы, якія не перавышаюць 1 000 базавых велічынь, што дазваляла пазбягаць правядзення канкурэнтнай працэдуры закупкі. Цана асобных тавараў была завышаная да 13 разоў.
Шкода прадпрыемству склала 1 073 121 149 недэнамінаваных рублёў.
14 жніўня прысудам суда Шклоўскага раёна былы дырэктар Шклоўскага УКП «Жылкамгас» прызнаны вінаватым у здзяйсненні злачынства, прадугледжанага ч.3 арт. 426 КК (перавышэнне ўлады або службовых паўнамоцтваў) і яму прызначана пакаранне ў выглядзе 5 гадоў пазбаўлення волі з адбыццём пакарання ў калоніі ўзмоцненага рэжыму з канфіскацыяй маёмасці і пазбаўленнем права займаць кіраўнічыя пасады.
Такія дзеянні дырэктара «Жылкамгаса» — не адзінкавы выпадак, а частка маштабнай схемы, выяўленай у многіх рэгіёнах краіны, адзначаюць у міліцыі.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары