У Гродне пад гарачую руку 17-гадовага юнака трапіліся легкавыя аўтамабілі, прыпаркаваныя па вуліцы Кляновай, паведамілі ва УУС Гродзенскага аблвыканкама.
Хуліган спецыяльна не выбіраў машыны, ды і не меў намеру помсціць за нешта іх гаспадарам. Як аказалася, прычынай учынку стала непадзеленае каханне: напярэдадні малады чалавек расстаўся з дзяўчынай. Спробы вярнуць яе не ўвянчаліся поспехам. «Адна з іх скончылася тым, што хлопец ужыў спіртныя напоі і спагнаў пачуцці на транспартных сродках ні ў чым не вінаватых людзей», — адзначылі ў прэс-службе УУС.
Падазраванага ўдалося затрымаць па гарачых слядах. Па артыкуле «хуліганства» заведзеная крымінальная справа.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты52
Каментары