Дзяўчынка выпадкова праглынула іголку, якую падчас шыцця трымала ў зубах. Пацыентцы зрабілі рэнтген і ўбачылі іголку, паведамляе «Медвестник».
Ілюстрацыйнае фота.
Эндаскапічнае даследаванне паказала, што іголка ўклінілася папярок прасвету сценкі кішачніка. У месцы праколу ішла кроў.
Пасля таго як дактары высветлілі, дзе дакладна знаходзіцца іголка, яны змаглі вывесці яе з «кліну» з дапамогай біяпсійных абцугоў, не пашкодзіўшы сценку кішачніка. Затым іголку акуратна захапілі абцугамі за край вушка i вынялі са страўнікава-кішачнага тракту. Пасля гэтых медыцынскіх маніпуляцый боль у дзяўчынкі прайшоў, а праз суткі школьніцу выпісалі дадому.
Дактары адзначаюць, што такіх пацыентаў у бальніцу дастаўляюць вельмі рэдка — за апошнія пяць гадоў гэта чацвёрты выпадак.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары