Сёння госцем інтэлектуальнага клуба Святланы Алексіевіч стане Уладзімір Сарокін
Сёння, 29 мая, у інтэлектуальным клубе нобелеўскага лаўрэата пройдзе сустрэча з пісьменьнікам Уладзімірам Сарокіным. Тэма — «Жорсткая славеснасць». Суразмоўцам Сарокіна ў абмеркаванні будзе беларускі культуролаг Аляксей Братачкін.
Уладзімір Сарокін — расійскі пісьменнік, сцэнарыст, драматург, адзін з найбольш яркіх прадстаўнікоў канцэптуалізму і сац-арту ў расійскай літаратуры. Аўтар дзесяці раманаў, а таксама шэрагу аповесцяў, апавяданняў, п'ес і кінасцэнарыяў. Лаўрэат прэміяў Андрэя Белага, «НОС», «Вялікая кніга» і іншых. Кнігі перакладзены на дзясяткі моваў. Да студзеня 2017 году з'яўляўся членам Рускага ПЭН-цэнтру. У студзені 2017 заявіў аб выхадзе з ПЭН-цэнтру на знак пратэсту супраць дзеяньняў яго выканкаму.
Гасьцямі інтэлектуальнага клуба Святланы Алексіевіч ужо былі расійская паэтка, празаік, перакладчык, філолаг і этнограф Вольга Седакова, расійскі палітолаг Станіслаў Бялкоўскі, літоўская пісьменніца Рута Ванагайце, палітычны журналіст, аглядальнік, блогер Аляксандр Марозаў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары