Усе навучальныя праграмы для сярэдняй школы ў Беларусі да 1 верасня будуць абноўлены. Аб гэтым Аляксандру Лукашэнку паведаміў міністр адукацыі Ігар Карпенка.
Па словах міністра, гэтая праца практычна завершана. Разам з тым па аб'ектыўных прычынах пад новыя праграмы да наступнага навучальнага года будуць распрацаваны падручнікі не па ўсіх прадметах. «Мы прааналізуем змест падручнікаў і выразна вызначым, што са старых падручнікаў браць, а што не ў адпаведнасці з новымі праграмамі, дамо метадычныя рэкамендацыі», — сказаў Ігар Карпенка.
«Трэба выбраць тыя, што не церпяць, і замяніць гэтыя падручнікі ў першую чаргу. Астатнія пакуль пакінуць, выдаўшы рэкамендацыі», — даручыў Лукашэнка.
Кіраўніку дзяржавы прадэманстравалі адзін з сігнальных асобнікаў новых падручнікаў, а таксама сучасную тэхналогію «ажываючых малюнкаў». Яе сутнасць у тым, што з дапамогай дадатку на смартфоне можна фактычна «ажывіць» карцінку і праглядзець дадатковы відэаматэрыял.
Аляксандр Лукашэнка выказаў меркаванне, што, акрамя зместу, важна і афармленне падручнікаў, якое павінна быць прыгожым і фундаментальным, але разам з тым і практычным. «Шкадаваць грошы на падручнікі нельга», — сказаў ён.
Акрамя таго, Лукашэнка распавялі аб адукацыйным партале, дзе ў вольным доступе маюцца самыя розныя матэрыялы і інфармацыя для вучняў, бацькоў і педагогаў.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы38
Каментары