У сацсетках рассылаюцца фэйкавыя паведамленні пра гвалт на Дзень Волі ад імя «Белага легіёна»
У сацсетках з'явіліся паведамленні ад імя «Белага легіёна» — вайскова-патрыятычнай арганізацыі, вядомай у 1990-я, з заклікам узяць удзел у Дні Волі 25 Сакавіка.
У другой частцы паслання гаварылася пра тое, што «на дапамогу да нас прыехалі нашы баявыя сябры з Расіі і Украіны і мы гатовыя з зброяй у руках паказаць уладам, хто сапраўдны гаспадар у краіне».
«Заклік» напісаны па-беларуску з памылкамі, якія сведчаць, што яго аўтары ў жыцці карыстаюцца рускай мовай.
Ніна Шыдлоўская на сваёй старонцы ў Facebook папярэдзіла, што гэта паведамленне, якое рассылаецца ад імя Міраслава Лазоўскага — фэйк і правакацыя.
У сацсетках пішуць, што аналагічныя паведамленні рассылаюцца з некалькіх акаўнтаў.
Дзень Волі традыцыйна шырока адзначаецца 25 Сакавіка. У мінулым годзе ў Мінску ў гэты дзень спакойна, без здарэнняў і затрыманняў, прайшла дазволеная гарадскімі ўладамі акцыя.
З сярэдзіны лютага ў Беларусі ідуць акцыі супраць падатку на дармаедства. Пасля 9 сакавіка, калі прэзідэнт на год прыпыніў збор гэтага падатку, на «Маршах недармаедаў» пачаліся масавыя затрыманні. Усяго за апошнія дні асудзілі каля сотні чалавек.
-
Пасля шасці гадоў зняволення выйшаў на свабоду пінскі палітвязень Ігар Салавей
-
Пратасевіч адказаў Статкевічу і НН: Маё сумленне чыстае. А пра трусы маёй абранніцы прачытаюць больш, чым пра ўсемагчымыя Каардынацыйныя рады
-
Памятаеце жанчыну, якую падманулі расійскія турысты? Кампанія, якая тут ні пры чым, прапанавала ёй кампенсацыю
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары