Кампаніі, падкантрольныя бізнэсмену Валянціну Байко, сталі акцыянерамі «Тураўскага малочнага камбіната» (ТМК). Інфармацыя пра гэта размешчана на сайце ТМК, паведамляе партал TUT.BY.
У цяперашні час акцыянерамі ТМК з'яўляюцца «Прэм'ерлізінг» Ігара Чарняўскага, Белаграпрамбанк, «Контэ Спа» і «ОДКрегион». Іх долі не называюцца.
Раней акцыянерамі завода былі «Прэм'ерлізінг» і даччынае прадпрыемства Белаграпрамбанка ААТ «Тураўшчына» і ААТ «Агралізінг».
«Контэ Спа» Валянціна Байко — адзін з найбуйнейшых у СНД вытворцаў панчошна-шкарпэткавай прадукцыі і трыкатажу. «ОДКрегион» з'яўляецца эксклюзіўным дыстрыб'ютарам у Беларусі кампаніі «Контэ Спа».
Суму здзелкі бакі не раскрываюць.
«З банкам форвардная здзелка. Летам акцыянерамі завода застанемся мы і «Контэ», — сказаў TUT.BY Ігар Чарняўскі.
Паводле ацэнак TUT.BY, група «Контэ Спа» інвестуе ў праект каля 20 млн даляраў. Валянцін Байко адмовіўся назваць суму ўкладанняў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары